Istitut Cardiocenter Tesin

Ospedal cardiologich de Lugan
Lombard Quest articol chì l'è scrivud in lombard, con la Noeuva Ortografia Lombarda

L'Istitut Cardiocenter Tesin (Istituto Cardiocentro Ticino in italian) a l'è 'n ospedal tesines, con sed a Lugan, specializad in cardiologia.

Storia Modifega

L'Istitut el nass in del 1999, de 'n ideja del dotor Tiziano Moccetti, che l'ha ricevud 'na donazzion aposta del medegh todesch Eduard Zwick, so pazzient, per fà su 'n ospedal de cura del coeur in Tesin. De fad, se l'Ospedal de Lugan el gh'haveva un repart de cardiologia, per i intervent cerusegh pussee important besognava andà oltra del Gotard, roba retegnuda assee lacunosa per el sistema sanitari del Canton, oltra che un cost pussee per i ent e per i familie di malad, donca el governo del Canton l'è stad propi content de autorizà el fà su de 'n noeuv ent.

In del 1995 a l'è fada su la Fondazzion Cardiocenter Tesin, con l'obietiv de fà su a la svelta el noeuv center. Anca se de dirit privad, la se met subet cont un roeull assee publegh. El deventa a la svelta un center de eccellenza cantonal e anza confederal, assee avanzad in del tratament del coeur cont i cellule staminai. In del 2012 el deventa el prim ospedal universitari del Canton.

El 22 de dicember 2020, comé de Statut, la Fondazzion la se desliga e la gestion del center la passa a l'Ent Ospedaler Cantonal, cont el nom de Istitut Cardiocenter Tesin. El passagg l'è stad assee ordenad, ma gh'è stada de la polemica in di period prima in su la soa gestion, cont el Municipi de Lugan, i Liberai, i Leghista e i Oregiat che domandaven che 'l restass autonom, menter i socialista domandaven 'na rapida integrazzion cont el sistema publegh, infin l'è stad scernud de integràll in l'Ent Ospedaler del Canton, ma cont una ministrazzion gestionala autonoma, dopo che gh'è stad un mez scandol politegh e 'n tentativ de inizziativa popolar per garantìgh l'autonomia, retirada quand che s'è trovad un bon acord in tra i part.

El center Modifega

El center, convenzionad con l'Università de Zurigh e con l'Università de la Svizzera italiana, el gh'ha dent 'n unità de cardiologia, vuna de cardiocerusia e vuna de cardio-anestesia e de cure intensive.

Riferiment Modifega

Ligam de foeura Modifega