Istitut Stomatologich Italian
L'Istitut Stomatologich Italian (Istituto Stomatologico Italiano in italian) a l'è 'na fondazion che la se occupa de studià i cur de la bocca, de juttà i pussee pover a curàss e la gestiss on center apposta con sed a Milan, convenzionaa cont el servizzi sanitari regional lombard.
Storia Modifega
L'è staa fondaa in del 1908 del professor Carlo Platschick, primm titolar de la cattedra de odontoiatria a l'Università di Studi de Milan. El fonda poeu 'na scoeula de perfezionament paj cavadent e 'l se impegna per permett anca ai personn pussee pover de curàss i dent.
In del 1918 l'è trasformaa offizialment in d'ona cooperativa e 'l se convenziona con l'Università de Pavia in del 1958 per quej che gh'hann de specializzàss.
In del 1968 l'è inauguraa el noeuv repart de cerusia maxillo-fascial e donca el se sposta in la noeuva sed de la via Pace e del 1978 l'è convenzionaa cont el faa appena Servizzi Sanitari Nazional.
In del 2005 el deventa 'na cooperativa social in forma de ONLUS e l'ann dopo el vincc l'Ambrosin d'Or.