Istitut tecnegh (Italia)
|
Quest articol chì l'è scrivud in lombard, con la Noeuva Ortografia Lombarda |
L'istitut tecnegh a l'è 'n tipo de scoeula segondaria che la se po fà in Italia dopo havé ciapad la licenza media. A l'è stad fad su de la reforma Gentile del 1923, de la partizzion del vegg Regio istitut tecnegh, e l'è stad reformad pussee de 'na voeulta in la soa storia.
Ai temp del Gentile a gh'era la scoeula tecnega che la faseva de scoeula media per i tecnegh, ma con l'istituzzion de la scoeula media unega del 1940 a l'è tolta via, con la reforma Bottai, ma la pupart di student del tecnegh vann a l'indirizz professional de la scoeula media. Domà in del 1963, cont el toeu via de la scoeula de aviament professional, la finiss ogni diferenza in tra i scoeule medie.
Fina al 2008, con la reforma Gelmini, ogni istitut tecnegh a l'era organizad un poo deperlù e 'l diploma el permeteva de sgiontàss in automategh a l'albo di perit competent, menter con quella reforma i istitut inn partid in du macrocategorie, l'istitut tecnegh tecnologegh, ciamad anca industrial, e l'istitut tecnegh economegh, ciamad anca comercial. El diploma a l'è pu abilitant ma el permet comunque de deventà perit dopo de l'esam de stat, se ciapad prima del 2023, ann in del che ghe sarà besogn de havégh una laurea triennal.
Descrizzion generala Modifega
Incoeu l'istitut tecnegh a l'è partid in dò bienni - el prim assee comun in tra tucc i indirizz - e in d'un ann final, prima - in tra la reforma Moratti e quella Gelmini - a l'era partid in d'un bienni e un trienni. L'obietiv de l'istitut tecnegh a l'è de dà una competenza bona in d'un setor sgeneral - a diferenza de l'istitut professional che l'è specifegh in di confront de 'na profession - e anca a travers di esperienze prateghe cont un tirocini, ma anca de dà 'na bona competenza sgeneral - compagn de 'n licee - che la permet de andà inanz in d'una quajsevoeur università, e di bone competenze scentifeghe e per capì el progress de la tecnologia.
| Ordenament con la reforma Gelmini | Ordenament prima de la reforma Gelmini | |
|---|---|---|
| Istitut tecnegh, setor economegh |
Ministrazzion, finanza e marketing | Istitut tecnegh comercial |
| Istitut tecnegh per perit aziendai e corrispondent in lengov foreste | ||
| Istitut tecnegh per i atività sociai | ||
| Turism | Istitut tecnegh per el turism | |
| Istitut tecnegh, setor tecnologegh |
Mecanica, mecatronega e energia | Istitut tecnegh industrial |
| Straport e logistega | Istitut tecnegh industrial | |
| Istitut tecnegh nautegh | ||
| Istitut tecnegh aeronautegh | ||
| Eletronega e eletrotecnega | Istitut tecnegh industrial | |
| Informatega e telecomunicazzion | ||
| Grafega e comunicazzion | ||
| Chimega, material e biotecnologie | ||
| Sistema moda | ||
| Agraria, agroalimentar e agroindustri | Istitut tecnegh industrial | |
| Istitut tecnegh agrari | ||
| Costruzzion, ambient e territori | Istitut tecnegh industrial | |
| Istitut tecnegh per geometra | ||