Italian meridional
L'Italian meridional a l'è l'insemma di variant de la lengua italiana parlaa in la Bassitalia, nassuu de l'inconter in tra i lengov locai, per la pupart dialett de la lengua napoletana, e l'italian, menaa a la popolazion cont la scolarizzazion in del Regn di Dò Sicili prumma e in del Stat italian poeu. De solit a l'è minga miss dent l'Italian de Sicilia, classificaa indeperluu.
A l'è caratterizzaa, de solit, de 'n us pussee spantegaa del passaa perfett rispett al standard e, soratutt, a l'Italian del Nord, la saradura di vocaj in di dittongh, la vertura in di suffiss "-mente" di avverbi, la parnonzia de "gl" compagn de "j" e 'l perd de la darrera sillaba di allocutiv.