Jean-Pierre Kintz
|
Quest articol chì l'è scrivud in lombard, con la Noeuva Ortografia Lombarda |
El Jean-Pierre Kintz (Illkirch-Graffenstaden 17 de avril del 1932 – Strasborgh, 16 de fevrer del 2018) a l’è stad on storich e professor frances, specializad in storia moderna de l'Alsazzia.
Biografia Modifega
El frequenta el liceo statal "Jean-Baptiste Kléber" de Strasburghe e al liceo Fustel-de-Coulanges vun di du di ann del propedeutich per l'École nationale des chartes.
In del 1962 el se dotora in Storia, cont ona tesi in storia contemporanea sora la stampa politega a Strasburgh de la segonda metà del secol quell di desnoeuv[1], in de l’istess ann l'oten el diploma post-laurea (Diplôme d'études supérieures en France) necessari per l'amission al concors de professor associad in di scole superiore, bandid periodicament del l'Università de Franza.
Per set ann a l’è professor de storia al Liceo Kléber[1], e in del '70 el discut a l'Università de Strasburgh ona tesi de Terzo Ciclo col titol de Journaux politiques et journalistes strasbourgeois sous la Seconde République et à la fin du Second Empire ("Riviste politiche e giornalismo a Strasburgo, dalla Seconda Repubblica alla fine del Secondo Impero")[2], e l’è diventad socio de ricerca in tal università. De poeu de la tesi, in del 1980 l'ha fad la dissertazzion de dotorad La société strasbourgeoise du milieu du xvie siècle à la fin de la Guerre de Trente ans (1560-1650). Essai d'histoire démographique et sociale[3] ("La socetà de Strasburgh de la metà del secol quell di sedes a la fin de la Guerra di Trent'Ann. Sagg de storia demografica e social"), che ‘l sò relator l’è ‘l storich Philippe Dollinger (1904-1999), studios de la Lega Anseatica, alev del Marc Bloch e ‘l Lucien Febvre.
A quatr’ann de distanza l’oten la dignità de publicazzion[4], quand che l’era sgiamò professor ordinari a l'Università dell'Alta Alsazia a partì del 1983. Ordinari a l'Università de Strasburgh 2 del '91, in del 2000 el lassa la carriera academica[1] e l'elensgen president de la Federazzion di Società storiche e Archeologiche de l'Alsazia (Fédération des sociétés d'histoire et d'archéologie d'Alsace), el ghe cura i darrere edizzion del Nouveau dictionnaire de biographie alsacienne[5] ("Noeuv Dizzionari Biografich Alsazzian"), stampad fina a l'ann 2003.
Oper Modifega
- Journaux politiques et journalistes strasbourgeois sous le Second Empire 1852-1870, Istra, 1974, pp. 166;
- La société strasbourgeoise du milieu du XVIe siècle à la fin de la guerre de Trente Ans, essai d'histoire démographique, économique et sociale, Parigi, Ophrys, 1984, pp. 549.
- La diffusion des Dernières Nouvelles d'Alsace pendant les années 1970, edizioni Panthéon-Assas, Parigi, 2002;
- Jean-Pierre Kintz, Regards sur l'histoire de l'Alsace, XVIe-XXe siècle, Strasburgo, Fédération des sociétés d'histoire et d'archéologie d'Alsace, 2008, pp. 578.[6]
- Jean-Pierre Kintz, Relation 1605 : Strasbourg invente le premier journal, Strasburgo, 2013, pp. 55. URL consultad: 19 settembre 2019.
- Jean-Pierre Kintz, La conquête de l'Alsace : le triomphe de Louis XIV, diplomate et guerrier, La Nuée Bleue (Strasburgo), Place des Victoires (Parigi), 2017, p. 604, ISBN 9782809915099.
Riconosciment Modifega
- 1999: comendator dell'Ordin di Palme academiche
- 2003: Premi "Marcel Flach" de l’Académie des sciences morales et politiques[7]
Note Modifega
- ↑ 1,0 1,1 1,2 Voce di Jean-Pierre Kintz nel "Nouveau Dictionnaire de biographie alsacienne", pp. 5112-5115
- ↑ (FR) Tesi di Terzo ciclo discusse al'Università di Strasburgo nel 1970
- ↑ Tesi discusse alla Facoltà di Lettere dell'Università di Strasburgo nel 1980
- ↑ Jacques Dupâquier. (FR) Recensione dell'opera di Jean-Pierre Kintz intitolata La société strasbourgeoise du milieu du XVIe siècle à la fin de la guerre de Trente Ans, 1560-1650. Essai d'histoire démographique, économique et sociale, pp. 287-290. Démographie historique et généalogie, 1984.
- ↑ (FR) Decreto di nomina nel Consiglio di Amministrazione della Biblioteca Nazionale dell'Università di Strasburgo, p. 14971. 8 ottobre 2006
- ↑ (FR) Claude Muller, Recensione dell'opera di Kintz (Jean-Pierre) dal titolo "Regards sur l'histoire de l'Alsace (XVIe-XXe siècle", in Revue d'Alsace, nº 135, Les sociétés d'histoire de l'Alsace et leurs fédérations, 2009, pp. 498-499.
- ↑ (FR) Vincitori del Premio "Marcel Flach". URL consultad in data 19 settembre 2019. (arqiviad de l'url orijenal in data 3 marzo 2016)
Bibliografia Modifega
- Christian Wolff, Jean-Pierre Kintz, in "Nouveau Dictionnaire de biographie alsacienne", vol. 48, pp. 5112-5115
- (FR) L'historien Jean-Pierre Kintz a tourné la page. Dernières Nouvelles d'Alsace, 19 febbraio 2018
- (FR) François Uberfill, Recensione dell'opera di Jean-Pierre Kintz dal titolo "Relation. Et Strasbourg inventa la presse", in Revue d'Alsace, nº 132, 2006, pp. 583-584.