Johanna Spyri

Quel articul chì l'è scrivüü in Lumbard, cun l'urtugrafia insübrica ünificada.

Johanna Louise Heusser, spusàda Spyri (Hirzel, 12 giügn 1827 - Zurich, 7 lüj 1901) l'è stàda üna scritrìss svìssera de lìber per bagaj.
L'è famùsa in tücc i cantùn perchè gh'ha creàa'l persunàgg leteràri de Heidi.

Biografia

Johanna Heusser l'era la quarta tùsa del medich Johann Jacob Heusser e de la puetèssa Meta Heusser-Schweizer, e l'è nassüda e cressüda a Hirzel, in del Cantùn Zurich. In del 1852 la gh'ha spusàa Johann Bernhard Spyri, avucàt e giurnalista zurighés che'l fasèva part dij amìs de Richard Wagner de la cità svìssera.
La prima storia scrivüda da Johanna Spyri l'è stàda Ein Blatt auf Vronys Grab ("Ün foeuj in sü la tumba de Vrony"), del 1871. In del 1880 l'ha scrivüü Heidis Lehr- und Wanderjahre ("I ànn de furmaziùn e de peregrinaziùn de Heidi"), che gh'ha avüü ün frach de süccess in tücc el mund, cumè la segunda part de la storia de Heidi, Heidi kann brauchen was es gelernt hat ("Heidi la poeu duperàa quèl che gh'ha imparàa"), vegnüda foeura l'ànn dopu. Heidi l'è anca incoeu vün dij lìber püssee vendüü, lètt e tradütt de sèmper; hin stàa fàa anca ün frach de versiùn de cinema e de cartùn animàa.
Tücc i laurà de Johanna Spyri dànn üna raperesentaziùn crìtica de la Svissera del temp, in particulàar dij cundiziùn de vita dürant i ànn de la Revoluziùn indüstriàal. Lée la gh'aveva a coeur la situaziùn dij giùin dònn e dij bagaj: la magiùr pàrt dij sò laurà gh'hànn cumè sut-tìtul Eine Geschichte für Kinder und auch für Solche, welche die Kinder lieb haben ("Üna storia per i bagaj e anca per quèj chi ghe voeuren bèn ai bagaj"). Per 'sta rasùn chì, i sò òperi gh'hànn ün interèss nun sulament leteràri, ma anca storich e sociologich.
Tra'l 1871 e'l 1901, Johanna Spyri gh'ha püblicàa 31 lìber, 27 vulüm de racùnt e 4 "brochures", per ün tutàal de 48 òperi.
Johanna Spyri l'è morta a Zurich in del 1901; la sò tumba la se troeuva in del cimitéri citadìn de Sihlfeld, insèmm ad olter persunàgg svìsser famùs.
La sò eredità l'è cunservàda grazie a l'Istituto svizzero media e ragazzi ("Istitüt svìsser dij media e dij bagaj") de Zurich.

Laurà

• 1871, Ein Blatt auf Vrony's Grab
• 1872, Nach dem Vaterhause!
• 1873, Aus früheren Tagen
• 1872, Ihrer Keines vergessen
• 1872, Verirrt und gefunden (Aus dem Leben) (volüm de stòri)
• 1878, Heimathlos. (cunt i stòri Am Silser- und am Gardasee e Wie Wiseli's Weg gefunden wird)
• 1879, Aus Nah und Fern. (cunt i stòri Der Mutter Lied e Peppino, fast eine Räubergeschichte)
• 1879, Verschollen, nicht vergessen. Ein Erlebnis, meinen guten Freundinnen, den jungen Mädchen
• 1880, Heidi's Lehr- und Wanderjahre
• 1880, Im Rhonethal
• 1880, Aus unserem Lande (cunt i stòri Daheim und wieder draussen e Wie es in Waldhausen zugeht)
• 1881, Am Sonntag
• 1881, Heidi kann brauchen, was es gelernt hat
• 1881, Ein Landaufenthalt von Onkel Titus
• 1882, Kurze Geschichten für Kinder und auch für Solche, welche die Kinder lieb haben (cunt i stòri Beim Weiden-Joseph, Rosen-Resli, Der Toni von Kandergrund, Und wer nur Gott zum Freunde hat, dem hilft er allerwegen! e In sicherer Hut)
• 1883, Wo Gritlis Kinder hingekommen sind
• 1883, Zwei Volksschriften (cunt i stòri Ein goldener Spruch e Wie einer dahin kam, wo er nicht hin wollte)
• 1884, Gritlis Kinder kommen weiter
• 1885, Aus dem Leben eines Advocaten
• 1886 Kurze Geschichten für Kinder und auch für Solche, welche die Kinder lieb haben. Zweiter Band (cunt i stòri Moni der Geissbub, Was der Grossmutter Lehre bewirkt, Vom This, der doch etwas wird, Am Felsensprung e Was Sami mit den Vögeln singt)
• 1887, Was soll denn aus ihr werden? Eine Erzählung für junge Mädchen
• 1887, Ariel die Meerjungfrau
• 1888, Arthur und Squirrel
• 1888, Aus den Schweizer Bergen (cunt i stòri In Hinterwald, Die Elfe von Intra e Vom fröhlichen Heribli)
• 1889, Was aus ihr geworden ist. Eine Erzählung für junge Mädchen
• 1890, Einer vom Hause Lesa. Eine Geschichte für Kinder und auch für Solche, welche die Kinder lieb haben (pussee tard anca cul tìtul Die Kinder vom Lesahof. Das Lied des Berges e la secunda pàrt de l'uriginàal cunt el tìtul Stefeli. Weitere Schicksale der Kinder vom Lesahof)
• 1891, Volksschriften von Johanna Spyri. Zweiter Band (cunt i stòri In Leuchtensee e Wie es mit der Goldhalde gegangen ist)
• 1892, Schloss Wildenstein
• 1901, Die Stauffer-Mühle
• Was Sami mit den Vögeln singt, a partì dij 9 ànn, Schweizerisches Jugendschriftenwerk (SJW), Heft 78
• Wer Gott zum Freunde hat, a partì dij 9 ànn, SJW-Heft 79
• Allen zum Trost, a partì dij 9 ànn, SJW-Heft 80
• Lauris Krankheit, a partì dij 9 ànn, SJW-Heft 81/82
• Vom This, der doch etwas wird, a partì dij 10 ànn, SJW-Heft

Bibliugrafìa

• Marie Frey-Uhler, Johanna Spyri 1827-1901, Biugrafìa a partì dij 9 ànn, SJW-Heft
• Jean Villain, Der erschriebene Himmel, 1997

Sitt culegàa

• Laurà in de la "Bibliotheca Augustana" (in tudesch)
• Müsee de Johanna Spyri (in tudesch)
• Istitudo svizzero media e giovani cunt l'Archivi Johanna Spyri (in tudesch)
• "FemBiographie" de Johanna Spyri (in tudesch)

Olter prugètt

Wikimedia Commons

al gh'a dent roba culegada a:

Johanna Spyri