Kasaoka
|
Quest articol chì l'è scrivud in lombard, con la Noeuva Ortografia Lombarda |
Kasaoka (笠岡市, Kasaoka-shi) a l'è una citaa de la prefetura de Okayama, in Sgiapon. A l'ann 2023 la citaa la gh'heva una popolazzion stimada de 45.404 abitant spantegad intra 21.987 fameje par una densitaa de 330 persone par km2. La superfis del comun a l'è de 136,24 km2. El territori del distret comunal el ciapa dent anca 31 isole, 7 de lore minga abitade.
Geografia
ModifegaKasaoka a l’è in del canton pussee a sud-ovest de la prefetura de Okayama e a l'è bagnada a sud dal Mar Seto. A ovest l'è tacada a la prefetura de Hiroshima. La pupart del sò territori l'è quatad de montagne e brich a nord e de terre bonificade a sud.
El center pussee abitad l'è concentrad a la veggia citaa portual de Kasaoka. A gh'è anca di frazzion ind i vai piscinine ind el toch de terra collinara a nord de la citaa.
Dacc demografegh
ModifegaDe quand ghè stad fad el prim censiment a Kasaoka, ind el 1950, la popolazzion la s'è sbassada cont un pass asquas sempar costant e a l'è nada de 75 372 persone del 1950 a poch pussee de 45 000 del dì d’incœu.
Citaa sgemellade
ModifegaKasaoka a l’è sgemellada con: [1]
- Astoria, Oregon, Stacc Unii d'America
- Goseong, Corea del Sud
- Kota Bharu, Kelantan, Malaysia
- Mörbylånga, Svezia
- Ōda, Shimane, Giapon
Referiment
Modifega- ↑ 友好握手都市＜コタバル市（マレーシア）／モービィロンガコミューン（スウェーデン）＞. Kasaoka City Official Website.
Alter proget
Modifega
Wikimedia Commons el gh'ha dent imagin o alter archivi su Kasaoka
