Kernel ibrid
|
Quest articol chì l'è scrivud in lombard, con la Noeuva Ortografia Lombarda |
Un kernel ibrid a l'è un'architetura del kernel a mità in tra quella de 'n microkernel e quella de 'n kernel monolitegh, che la proeuva a meter insema i robe pussee bone di du sistema. A bon cunt, a l'è minga ciar quant che l'è una classifegazzion autonoma e quant che l'è domà 'n evoluzzion di kernel monolitegh, per esempi el Linus Torvalds el sostegn che l'è "domà marketing".
L'ideja a l'è quella de havégh un kernel struturad tant 'me un microkernel, implementad però a la manera de un kernel monolitegh: a diferenza de 'n microkernel la pupart, o anca tucc, i servizzi de sistema inn in del spazzi del kernel, ma el gh'è no el passà costant de spazzi utent a spazzi kernel.
Di esempi de kernel che poden vesser ciamad ibrid inn quell de Windows NT, quell de BeOS e de Haiku, quell XNU - doperad di sistema de la Apple - , quell de OS/2, quell de Plan 9 e quell de DragonFly BSD.