Lengua khuzdul

Quest articol chì l'è scrivuu in lombard, grafia milanesa.

El Khuzdul a l'è ona lengua inventada del scritor ingles John Ronald Reuel Tolkien.
L'è la lengua che la ven doperada de la razza di Nan in di sò romanz fantasy de la Terra de Mezz (soratutt in de El Scior di Anei).
Al contrari de alter lengov, compagn del quenya e del sindarin, el Tolkien l'è mai staa lì a desviluppà tropp el khuzdul, del qual ne resta domà ona quai fras e di nomm de sit e de personn. El scritor el giustifica quell lavorà chì cont el dì che i Nan eren gelos de la soa lengua, e la doperaven domà in tra de lor.
De quell pocch che gh'emm, el par che 'l sia staa desviluppaa de radis triconsonantegh, compagn di lengov semitegh.

De la parola khâzad ("i Nan") riven el quenya "Casar" e 'l sindarin "Hadhod", doperaa per ciamà i Nan.

Esempi de lengua

Nomm de sit

Arent al nomm in Khuzdul ghe mettom la traduzion in Sindarin (quand la gh'è).

• Azanulbizar: Nanduhirion
• Barazinbar: Caradhras
• Bundushathûr: Fanuidhol
• Galbigathol: Belegost
• Khâzad-dûm: Hadhodrond, Moria
• Kibil-nâla: Celebrant
• Nulukkizdîn: Nargothrond
• Sharbhund: Amon Rudh
• Tumunzahar: Nogrod
• Zirak-zigil: Celebdil