Kungsträdgården

Quest articol chì l'è scrivud in lombard, con la Noeuva Ortografia Lombarda

Kungsträdgården (traduzzion de "giardin regal") a l’è ‘l nom d’on parch e d’ona stazzion de la metropolitana, tucc du sistemad in la part central de Stoccolma.

El parch de Kungsträdgården

Dedenter del parch a gh’è tanti café e loeugh de ristor, desgià che l’è on post de trovàss popolar per la popolazzion. ‘Me proeuva de quest, a gh’è el fato che despess, in del cors la stasgion estiva, a se tegnen di concert estiv a l'averta, inveci d’inverna a se impronta ona pista de patinagg. De sorapù, el 1º de masg el Partid de la Sinistra el ghe organizza el sò congress tradizzional.

Patinagg d’inverna

In tra i varie opere che se poden trovà dedenter del giardin a gh’inn:

• La piazza Carl XII, cont ona statua del sovran inaugurada per celebrà el 150º anniversari de la soa mort
• La statua del Carl XIII, ordinada del sò sucessor, el Carl XIV de Svezia
• La fontana del Molin, creazzion del scultor Johan Peter Molin
• La fontana del Wolodarski, opera recenta inaugurada in de l’agost 1998

Al prenzipi di ann '70 ona forta protesta per la tutela di olme del parch ‘l l’ha menad a rivedé i pian de costruzzion per stazzion de la metropolitana che la gh’ha l’istess nom, che i sò entrade, incoeu, se treouven ai du fianch est e ovest.

Dessorapù la stazzion de Kungsträdgården la rapresenta ’l capolinea e/o el loeugh de partenza in quant al percors de la linea bloeu. T-Centralen, la stazzion principal del sistema citadin, inveci l’è metuda a ona fermada de distanza de chì. El Kungstradgarden precisament a l’è nò on giardin o on parch, se trata putost d’ona via alborada sossenn frequentada specialment in ocasion de manifestazzion e spetacoi a l’averta.

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Kungsträdgården