Kurt Westergaard
|
Quest articol chì l'è scrivud in lombard, con la Noeuva Ortografia Lombarda |
El Kurt Westergaard (Døstrup, 13 de luj 1935 - Copenhagen, 14 de luj 2021) a l'è stad un dissegnator danes, pussee cognossud per havé fad una vigneta del Maomet con dent una bomba in del so turbant, part di vignete de Maomet in sul Jyllands-Posten. Per quella reson chi l'è stad ciapad de mira di estremista musulman e l'è stad mitud sota protezzion de la polizzia e di servizzi secret per i menasce che l'ha ricevud, e hann anca provad a copàll.
La soa ideja a l'era, a bon cunt, che ciapà per el nas i musulman a l'è una manera de integrài, desgià che in Europa a l'è normal scherzà in su la religion, e fàll no con la soa a l'è una manera de lassài foeura de la società europea.
Riferiment Modifega
Alter proget Modifega
Wikimedia Commons el gh'ha dent imagin o alter archivi su Kurt Westergaard
