La canzone mononota
La canzone mononota (cioè la canzon con domà ona nota) l'è on singol del grupp milanes Elio e le Storie Tese, pubblicaa in del 2013.
L'è stada presentada per la prima volta el tredesin de febrar del 2013, in occasion del Festival de Sanremm quell de 63, indovè che l'è rivada segonda in classifega e l'ha anca vengiuu el premi de la critega (istess de quell che l'era succeduu anca con La Terra dei Cachi in del 1996).
Come che 'l dis anca el titol, el lavorà pussee important de 'sta canzon a l'è che per la pupart del temp l'è cantada con domà ona nota (el do), foeura che l'introduzion e l'ultema parola de la canzon: sì (che tra l'alter a l'è on si).
L'è stada pubblicada e venduda in sù l'Internet giamò el dì dopo. In del video musegal, se poden vedè di vegg filmaa del grupp (anca di agn Novanta, e donca anca quand che gh'era el Feiez anmò in vita).
A on certo pont de la canzon el canta anca el ghitarrista Cesareo.
Vegnen citaa anca l'inno cuban (anca musegalment), Gioacchino Rossini, Bob Dylan, Antônio Carlos Jobim e Tintarella di luna.