La morosa (canzon)
La morosa l'è ona canzonetta milanesa e lombarda.
Despess a l'era missa denter a vari "risott" e "minestron" de l'ostaria, cioè quei cantad in grupp indè che vegniven ligaa vuna con l'oltra vari tocch de canzon de la tradizzion lombarda.
El sò ritornell a l'è compagn (per test e musega) de la canzon El sindich de Precott, ma anca de quella piemontesa La giassa artificial.
El test
ModifegaGh'avevi ona morosa
in piazza Baracca
che la mangiava el fen
compagn d'ona vacca:
gh'è passaa via
el dotor de l'ospedal,
el gh'ha ordinaa la cura
del giazz artificial!
Ohej, l'è bell e l'è bon e l'è san,
l'è san comè 'l corall!
Viva la macchina, viva la macchina,
ohej, l'è bell e l'è bon e l'è san,
l'è san comè 'l corall!
Viva la macchina del giazz artificial!
Gh'avevi ona morosa
che stava in via Pioppett,
e che la gh'aveva
on bell bugnon sui tett:
gh'è passaa via el dotor de l'ospedal,
el gh'ha ordinaa la cura del giazz artificial!
Rit.: Ohej l'è bell...
Gh'avevi ona morosa
che stava invers l'Ortiga,
e che la gh'aveva
el mordison de... testa:
gh'è passaa via el dotor de l'ospedal
el gh'ha ordinaa la cura
del giazz artificial!
Rit.: Ohej l'è bell...