Lampada invernighenta
|
Quest articol chì l'è scrivud in lombard, con la Noeuva Ortografia Lombarda |
Una lampada invernighenta a l'è una lus eletriga che la dopera un fil, in principi de carboni ma incoeu de tungsten, mitud in del voeud, che al passà de la corrent eletriga el se scolda propi tant, fina a deventà invernighent e dà foeura de la lus, insema a 'n frach de calor 'me radiazzion infrarossa, se stima che domà el 5% de l'energia la deventa lus che la se ved. Propi per quella reson inn retegnude di lus che trasen un frach de energia e, per di reson ecologeghe, de doperà pu.
Gh'hann, però, di vantagg, che hann favorid el sò doperà in di prim agn de la storia de l'eletricità: gh'hann no de besogn de circuit de guida, fonzionen ben istess con la corrent continua e con quella alternada e costen propi poch de fà.
In tra i svantagg, oltra a l'eficenza, el bass durà de 'na lus e 'l fat che, se 'l se s'cepa el veder, el po tajà e la lus la desmet de fonzionà.
Riferiment Modifega
Alter proget Modifega
Wikimedia Commons el gh'ha dent imagin o alter archivi su Lampada invernighenta
