Lengua adûnaica
La lengua adûnaica (che 'l voeur dì "lengua de l'Ovest") l'è ona lengua inventada del scritor ingles John Ronald Reuel Tolkien per i sò liber fantasy.
L'era la lengua doperada di Omen de l'isola de Númenor, e la derivava di lenguagg ciamaa Taliska (cioè quei parlaa di Bëornian e Hadorian). El gh'ha ciappaa on poo de influenz lessicai de l'elfegh (sia Quenya che Sindarin), anca perchè i Númenorean i eren amis di Elf e amirador de la soa coltura.
Despoeu la fin de Númenor l'Adûnaich el s'è messedaa cont i parlà uman de la Terra de Mezz, e de lì l'è nassuu l'Ovestron.
I testimonianz de l'Adûnaich hinn poch, e se limiten quasi domà a on rosc de nomm de persona e de loeugh.