Leonardo (treno)

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Leonardo
Eletrotreno
Reproduzion del treno in Piazza del Domm
Agn de costruzion	2014-2020
Agn de esercizi	2014-
Quantitaa produxida	72
Costruidor	AnsaldoBreda
Lungeza	106 904 mm
Largeza	2 850 mm
Capacitaa	204 settaa, 1028 in pee
Quota del pian del pestar	1 100 mm
Scartament	1 435 mm
Pass di carrei	2 150 mm
Massa in servizi	146,8 t
Massa a vœd	95,3 t
Velocitaa massema omologada	90 km/h
Alimentazion	1,5 kV CC (pantograf) o 750 V CC (pantograf e terza rodaia)

El Leonardo a l'è on treno MNG (Metropolitana de noeuva generazion) desviluppaa de la AnsaldoBreda, incoeu Hitachi Rail Italy, per la Metropolitana de Milan. A l'è doperaa dal 2014 e n'hinn staa faa 30, pussee alter 30 in consegna a la ATM entro el 2019.

Storia

El treno el nass 'me evoluzion del Meneghin in vista de la necessità de renoeuvà el parch di mezz de la metropolitana in vista de l'Expo 2015 de Milan. El finanziament de 200 milion de Euro a l'è staa per intregh a caregh de la ATM cont on finanziament de la Banca europea di investiment.

El progett scernuu, quell de la AnsaldoBreda, a l'è staa presentaa in Piazza del Domm cont on modell de carton a grandezza natural in l'april del 2014, e 'l 23 de dicember del midemm ann hinn entraa in servizzi i primm in su la metropolitana. In total hinn rivaa 20 treni in su la M1 e 10 in su la M2.

El 26 de marz del 2016 la ATM l'ha nonziaa de investì 109 milion per crompà alter 15 Leonardo e 'l 9 de febrar del 2017 n'hinn staa crompaa alter 15 a 106 milion.

Costruzion

El Leonardo a l'è faa de 6 cass: Quater hinn motris, dò domà remorcc. Di dò motris dò i gh'ha la gabina de guida e dò hinn senza, e hinn montaa cont i gabinn ai margin taccaa ai remorcc e in del mezz i motris senza gabina, e ogni vagon el gh'ha 8 port elettronich.

El sistema de alimentazion a l'è bon de recuperà l'energia de la frenada e de fonzionà cont pussee tension.

I treni, in conformità di legg, a hinn videosorvejaa e cont on sistema LCD e audio per i informazion ai passeggee.

Vos correlaa

Meneghin (treno)

Alter progett

Wikimedia Commons el gh'ha dent imagin o alter archivi su Leonardo