Lumbard ucidental Quest articol chì l'è scrivuu in lombard, grafia milanesa.

Lesbism a l'è el termen doperaa per indicà l'attrazion sentimentala e sessuala intra dò dònn. Se parla anca de omosessualitaa femenila putost che de saffism per indicà quest.

Basin tra donn, intra Giustizia e Pas

El lesbism a l'è on concett che s'è scominciaa a spantegaa in del secol XX per indicà i dònn che gh'aveven on cert orientament sessual. In del cors de la stòria, i dònn aveven minga avuu la stessa libertaa di omen per perseguì relazion omosessuai ma, al temp istess, i lesbich subiven no i istess penn dur che subiven i omen per l'omosessualitaa. Infatt, i relazion lesbich vegneven, de spess, consideraa minga pericolos e minga mettibel ai quij eterosessuai e donca minga tròpp a l'è staa documentaa per dà ona descrizion precisa de comè l'omosessualitaa femenila a l'era esternada. Inquand i primm sessuologh a la finn del secol XIX hann scominciaa a categorizzaa e descriv i comportament omosessuai, si come saveven minga tròpp de lesbism e de la sessualitaa di dònn, hann destinguu i lesbich comè di dònn che eren malaa de ment perchè acettaven minga el ròll che i dònn aveven in de la societaa.

I lesbich podeven o scond la sò sessualitaa o acetà de viv cont l'etichetta de esclus. I esclus hann creaa ona sotta-cultura e on'identitaa che la s'è desviluppada in Europa e in di Staa Unii.

Depos la segonda guerra mondiala, inquand tant govern doperaven ona fort repression contra i omosessuai, i dònn hann desviluppaa ona red per socializzà e informass intra de lor. Domà cont la segonda ondada de femenism, la definizion de lesbiga la s'è espanduda e ha pizzaa-sù la discussion sora l'omosessualitaa femenila.

Origen del nòmm Modifega

El termen lesbiga el riva da l'isola de Lesbo, indue viveva la poetessa Saffo in del secol VII a.C.. Cont i sò poesii, Saffo ha esaltaa la bellezza de la femenilitaa e l'eròs intra i dònn. Al principi, el termen a l'era doperaa in manera cattiva, ma poeu, i lesbigh hann scominciaa a doperal comè on segn de rivendicazion e orgoeuj.

Referiment letterari Modifega

  • Jennifer Quiles, Più che amiche. Manuale di autoaiuto per donne che amano le donne, Castelvecchi, 2006. ISBN 88-7615-129-X.
  • B. Abbott, E. Farmer, From wedded wife to lesbian life, stories of transformation, The Crossing Press, Berkeley, 1995.
  • Daniela Danna, Amiche, Compagne, Amanti, UNI Service, Trento, 2003. ISBN 978-88-88859-01-9.
  • T. De Lauretis, Pratica d'amore, Percorsi del desiderio perverso, la Tartaruga, Milano, 1997.
  • Marzio Barbagli, Omosessuali moderni. Gay e lesbiche in Italia, Asher Colombo - 2007.
  • Judith Butler, Corpi che contano: i limiti discorsivi del “sesso”, Milano, Feltrinelli, 1996.
  • Gilda Sanguineti, La penna di Saffo. Poesia gay al femminile, Milano, La penna di Saffo Editore, 2013.

Ligamm de foeura Modifega