Lesg per la Defesa de la Patria
|
Quest articol chì l'è scrivud in lombard, con la Noeuva Ortografia Lombarda |
La Lesg per la Defesa de la Patria (in polach Ustawa o obronie Ojczyzny) a l'è una lesg firmada el 18 de marz 2023 che la gh'ha 'me obietiv el fà pussee fort i Forze Armade de la Polonia cont el rivà a 300'000 member, volzà la spesa per l'armada al 3% del PIL in del 2023, fà pussee moderna l'organizazzion de la defesa e permetégh a tucc quei che 'l voeulen de fà l'adestrament militar de bas in manera volontaria.
L'è stad fad in risposta a l'invasion russa de l'Ucraina del 2022, roba che l'ha menad el partid al governo, Dirit e Giustizzia, a vedé 'me necessari un fà pussee fort de l'Armada e podé defendés se la s'ciopa la guerra, con l'obietiv final de rivà a spender el 5% del PIL in defesa e a havégh la forza armada de terra pussee granda d'Europa, e anca prima hann crompad vari carr armad di Stat Unid e de la Corea del Sud per sostutuì quei d'epoca sovietega mandad in Ucraina, oltra a vari reoplan d'atach e tira-missil.