Letizia Moratti

Lombard Quest articol chì l'è scrivud in lombard, con la Noeuva Ortografia Lombarda
Letizia Bricchetto Arnaboldi Moratti
Letizia Moratti.jpg
La sciora Moratti

Regione-Lombardia-Stemma.svg
Vize-presidenta e assessora al welfare de la Lombardia
In carica
Prencepe del mandad 8 de sginer 2021
President Atili Fontana
Predecessor Fabrizio Sala (vize-presidenza)
Giulio Gallera (welfare)

CoA Città di Milano.svg
Sindega de Milan
Ol durar del mandad 5 de sgiugn 2006 –
1 de sgiugn 2011
Predecessor Gabriele Albertini
Sucessor Giuliano Pisapia

Ministra de l'Istruzzion, de l'Università e de la Ricerca
Ol durar del mandad 11 de sgiugn 2001 –
17 de masg 2006
President Silvi Berluscon
Predecessor Tullio De Mauro (istruzzion)
Giuliano Amato (università e ricerca)
Sucessor Giuseppe Fioroni (istruzzion)
Fabio Mussi (università e ricerca)

Informazion jenerale
Partid politeg Forza Italia
Titol de studi Laurea in scienze politeghe
Universitaa Università di Studi de Milan
Profession Dirigenta d'impresa

La Letizia Maria Brichetto Arnaboldi in Moratti (Milan, 26 de november 1949) a l'è una politega e manager italiana, vize-presidenta e assessora al welfare de la Lombardia del 8 de sginer del 2021.

In precedenza l'è stada sindega de Milan del 2006 al 2011 e ministra de l'istruzzion del 2001 al 2006.

BiografiaModifega

Fioeula del Paolo Brichetto Arnaboldi, eroe partisan e ciamad "el partisan bianch" per vesser un aristocrategh in la resistenza, in del 1972 la se laurea in scienze politeghe e la lavora in del setor di sigurazzion e di telecomunicazzion. In del midem period la cognoss el futur marid Gian Marco Moratti. L'è donca cognada del Massimo Moratti, a longh president de l'Inter e de la miee Milly Moratti, politega de center-sinistra.

In tra el 1994 e 'l 1996 l'è nomnada presidenta de la RAI e in tra el 1999 e 'l 2000 la colabora cont el Rupert Murdoch per l'espansion in Europa del so grup.

Del 2019 al 2020 l'è stada presidenta de la UBI Banca.

Carrera politegaModifega

L'è in Forza Italia del 1994 e in del 2001 l'è nomnada ministra de l'Istruzzion in di governi Berlusconi II e III, roeul in la che l'ha passad la reforma Moratti che l'ha metud ancamò el vot in condota e l'ha anulad la reforma Berlinguer.

In del 2006 l'è candidada sindega a Milan per el center-destra e l'è elegiuda al prim turn contra del Bruno Ferrante e in del 2011 la ghe proeuva ancamò ma l'è batuda del Giuliano Pisapia al ballotagg. La resta in Consili Comunal senza entrà in di grup del Popol de la Libertà perchè la s'era svesinada a Futur e Libertà e in del 2012 la se dimet.

Dopo de 'n longh period de lontananza de la politega a l'è nomnada assessora al Welfare de la Region Lombardia el 8 de sginer 2021, in d'una messedada de sgionta che l'ha vist la Moratti ciapà el post del Giulio Gallera e anca la vize-presidenza, prima in man al Fabrizio Sala.

Alter progetModifega

RiferimentModifega