Lign celer de la Brianza
I lign celer de la Brianza a hinn staa on progett de metrotranvij elaboraa del 1959 ma mai faa che l'avaria conligaa Milan a Caraa, Mombell e Garbagnaa e sostituii i tramvij interurban Milan-Caraa e Milan-Limbiaa.
El progett Modifega
El progett el prevedeva trè tratt:
Eren previst 39 kilometer de che 6 in galleria e 35 stazion de che 5 sotta terra (Milan Maciachini, Bress, Desi, Seregn e Caraa). I lign sarien staa a doppi binari elettrificaa.
El capoligna milanes a l'era pensaa in la stazion Garibaldi de la linia 2 de la metropolitana, che per quest a l'è staa realizzada cont 4 binari, che poeu hinn staa doperaa no e incoeu a hinn occasionalment doperaa per di esposizion.
Poeu la ligna la saria andada in d'ona sed propia in Vial Enrico Fermi, e longh quella tratta a hinn staa faa du sottapassagg, poeu readattaa vun per el traffich veicolar e l'alter per la Milan-Limbiaa.
Material rotabil Modifega
I treni eren progettaa cont on sistema de guida vincolada su pneumatich de gomma, tecnologia che la gh'ha avuu poeu success in di sistema comé la VAL.
Nissun treno a l'è staa faa su fisicament, e incoeu a gh'è domà i dissegn.
Riferiment Modifega
Bibliografia Modifega
- Azienda Tranviaria Municipale - Milano, Linee celeri della Brianza: principali caratteristiche e dati tecnici degli impianti e dell'esercizio, Milano, 1961. (ISBN miga dispunìbil)
- Giovanni Cornolò, Fuori porta in tram. Le Tranvie extraurbane milanesi 1876-1980, Parma, Ermanno Albertelli Editore, 1980. (ISBN miga dispunìbil)