Linia Roma-Ancona
|
Quest articol chì l'è scrivud in lombard, con la Noeuva Ortografia Lombarda |
La linia Roma-Ancona a l'è, in la lenguistega romanza, un fass de isoglosse che 'l taja el continuum romanz e che 'l marca la presenza di fenomen comun a tucc i dialet italian meridional, compagn de:
- La resa de "s" 'me "z" dopo la consonanta
- El redobi de "b" e "g" dent de la parolla
- L'assimilazzion di ness latin -mb- e -nd-
- El doperà de varietà de "lo" 'me unegh articol determinativ mascolin
A diferenza de la linia Massa-Senigallia, che l'è propi ben studiada per via de la soa importanza per tut el mond romanz, la Roma-Ancona l'è manch studiada e i pont AIS che la revarden inn pussee rari, donca gh'è men de literadura scentifega e men de consens in su la soa importanza e indova che la passa.