Lissander Brasca

Quell articol qì l'è scrivud in Lombard, cond l'ortografia Scriver Lombard.

El Lissander Brasca (Milan, 1967) l'è un lenguista e cantaudor lombard.

Lauread ind Lengue e Scienze lenguistege cond una tesi in sui sintagma interrogativ lombards,^[1] l'è dotor de recerca in lenguistega (PhD) cont una tesi in su la classifegazion del gall-"italeg" e al lavora come recercador de lenguistega a l'Universitaa de Bangor, in Galles.^[2]^[3]^[4] L'è member de l'International Research Group on Contested Languages ("Grup de recerca internazional in sui lengue contestade"), guidad (intra i olter) del professor Marc Tamburell,^[5] col qual ind el 2017 l'ha publegad un stude in sui lengue gall-italege.^[6]^[7]

Museg polistrumental, l'ha invivad la carera de cantaudor ind i agn '90. L'ha partecipad a'l Premio Tenco ind el 1995,^[8] ma dop l'ha desmetid per recominçar con la musica ind el 2009.^[9] Ind i ultem agn l'ha conlaborad con divers artista compagn de Vinicio Capossela, Bèpi & The Prismas e Davide Van de Sfroos.^[10] Ind el 2010 l'ha produxid un album musegal intitolat Sot la Cender. In qella opera qì i canzon i enn scrivide ind una koinè lombarda artistega, çoè ind un mes'ciot de forme ciapade dei vare dialets inventada de l'autor per esijenze de espression. Tute i canzon i enn staite scrivide, ranjade, cantade e sonade del Lissander.^[11]

Ind el ann dop l'ha dait a la stampa Scriver Lombard, un liber indove qe al inxubiss una grafia polinomega unifegada per tuts i dialets de la lengua lombarda.^[1]

Riferiments

[SL-1] 1,0 ^1,1 L. Brasca, Scriver Lombard. Un'ortografia polinomeg-local per la lengua lombarda, 2011. 8896751101

[2] (EN) Dr Lissander Brasca

[3] (IT) Scriver Lombard, un’ortografia polinomico-locale per la lingua lombarda

[4] (EN) Classification of Gallo-"Italic": Current issues in the literature and proposals for a solution

[5] (EN) International Research Group on Contested Languages - Members. URL consultad in data 20/9/2018.

[6] (EN) Revisiting the classification of Gallo-Italic: a dialectometric approach, doi:10.1093/llc/fqx041

[7] (IT) Articol divulgativ de l'autor in sui resultads

[8] (IT) Tenco 1995

[9] [1]

[10] (IT) 28/07 - Lissander Brasca. Un cantautore lombardo

[11] (IT) Storie di Cantautori Pt.3 – Lissander Brasca, Ninfa Giannuzzi, Manè, Nidi di Nebbia, Giuseppe Reghini

[1]

[2]

[3]

[4]

[5]

[6]

[7]

[8]

[9]

[10]

[11]