Live Free or Die
|
Quest articol chì l'è scrivud in lombard, con la Noeuva Ortografia Lombarda |
Live Free or Die (Viver liber o morì in ingles) a l'è el motto del stat del New Hampshire, doperad del 1945, e l'è vun di motto statai pussee cognossud in di Stat Unid, un poo perchè ligad a l'independenza assertiva de la filosofia politega americana, un poo per la soa forza rispet ai mot di alter Stat, despess pussee moll.
A l'è ciapada de 'na letera mandada del general John Stark, el militar pussee important del Stat in la guerra de independenza americana, a 'n event che l'è podud minga andàgh perchè l'era malad, e indova che l'ha scrivud "viver liber o morì: la mort l'è minga el mal pussee gram", che l'era comunque un motto spantegad de la revoluzzion francesa.
A l'è doperad in su l'emblema del New Hampshire, che l'è stad mitud insema a lu. L'è stad poeu ciapad de la coltura di utent UNIX, la che filosofia a l'è assee compagna.