Locomotiva
La locomotiva a l'è on rotabil ferroviari che 'l gh'ha on motor e bon de dà trazion al treno.
Storia Modifega
La prima locomotiva, doperada per el servizzi di miner, l'è stada inventada in Galles in del 1804 del Richard Trevithick. In tra el 1825 e 'l 1830 gh'è i primm locomotiv a vapor per el servizzi passeggee, faa del George Stephenson.
Intorna a la fin del secol quell de 19 nassen anca i locomotiv elettrich, anca se se spanteghen subit domà in di Stat cont pocch resors naturai comé la Svizzera.
I locomotiv diesel se desviluppen debon domà in di agn 1950, per servì i lign senza elettrificazion dopo de la fin di locomotiv a vapor.
Tipi Modifega
A gh'è vari tipi de locomotiv.
Locomotiva a vapor Modifega
|
Per savenn pussee, varda l'articol Locomotiva a vapor. |
La locomotiva a vapor a l'è stada la prima a vess inventada, e voramai a l'è doperada domà in di servizzi turistich.
La sfrutta el principi de la macchina a vapor, e l'è tipicament alimentada a carbon, anca se gh'è staa di alter combustibil 'me el metan o l'oeuli mineral.
Locomotiva diesel Modifega
|
|
Per savenn pussee, varda l'articol Locomotiva Diesel. |
La locomotiva Diesel la dopera on motor Diesel per la soa alimentazion. A l'è spartida in trè variant:
- Diesel-elettrich: Indova el motor 'l alimenta on motor elettrich, e che 'l permett anca de alimentàlla cont la catenaria
- Diesel-meccanich: Indova el motor el moeuv i roeud
- Diesel-idraulich: Che 'l dopera l'idraulica per spostà la locomotiva.
Locomotiva elettrica Modifega
|
|
Per savenn pussee, varda l'articol Locomotiva elettrica. |
La locomotiva elettrica la dopera on motor elettrich de trazion comé mezz de locomozion, e l'energia a l'è ciappada del pantograf o de la terza rodaia o di voeult de ona batteria.
La cassa la gh'ha dent donca i armament necessari per ciappà l'elettricità, eventualment convertìlla e mandàlla ai motor.
Us de la locomotiva Modifega
La locomotiva la pò vess doperada sia in coo al treno per trainàll sia a mità o in coa per spingél.
Esisten anca di locomotiv che permetten de ciappà dent di passeggee: I Automotris, che dent i gh'ha l'aspett de ona carrozza.
A gh'è anca di carrozz semipilota, ossia ona carrozza normal cont ona gabina che la permett de telecomandà la locomotiva a distanza, per permett de invertì la marcia senza invertì la locomotiva.