Lodovigh Setala
El Lodovigh Setala (italian: Ludovico Settala; latin: Ludovicus Septalius; Milan, 27 de febrar del 1550 - Milan, 12 de settember del 1633) a l'è staa on dotor lombard.
Vitta Modifega
L'è nassuu a Milan: el sò pader a l'era el medegh Franzesch Setala, la mader inveci la Giulia Riva, tosa del giureconsolt paves Gioann Franzesch Riva.
L'ha studiaa in di Gesuitta in Brera, e 'l s'è laureaa in Medesina a Pavia in del 1571. Duu agn dopo l'era giamò professor de medesina, semper a Pavia: ma l'ha lassaa perd l'insegnament, per podè fà el medegh a Milan. Lainscì però l'ha insegnaa polittega e moral a la Canobiana. In del 1600 l'è deventaa el protofisegh general del Statt de Milan.
L'ha lavoraa de bon ai temp de la pesta del 1576, e soratutt in quella del 1628-1630. Per 'sta reson (e de già che l'era staa vun di primm a capì che l'era dree a tornà la pesta) l'è regordaa pussee che 'na voeulta in del romanz I duu moros, del Manzon.
Riferiment Modifega
Alter progett Modifega
Wikisource el gh'ha dent una pagina dedicada a Lodovigh Setala
Wikimedia Commons el gh'ha dent imagin o alter archivi su Lodovigh Setala
