Luigi (personagg)
El Luigi a l'è 'n personagg de la Nintendo part de la serie de Mario, de che l'è el fredell. A l'è pussee màgher del Mario e bon de saltà pussee in alt, anca se in origin a l'éra domà el sprite modifegaa del Mario e l'ha vist di caratteristegh noeuv domà de Super Mario Bros. 2. Mittuu dent per la prima voeulta in del 1983 in l'arcade Mario Bros., l'è de alora present in tucc i gioeugh de la serie che supporten el multigiugador e l'è staa protagonista de Mario is Missing! e de la serie Luigi's Mansion. El par che 'l sò nomm el sibia staa ciappaa de 'na pizzeria a Redmond, arenta al quarter general Nintendo, ciamada "Mario&Luigi".
