Luigi Carcano

Quest articol chì l'è scrivud in lombard, con la Noeuva Ortografia Lombarda

	«Mi sont el Luisin neod del pòr Bigin che l'era on formaggee la in Borgh di Formaggiatt»

El Luigi Carcano (Milan, 1920 - Milan, 17 de avril 1999) a l'è stad un poeta italian.

Biografia

Ciamad el Luisin tassista, desgià che in la vita el faseva quell mester, de sgiovin el fa i scoeule comerciai e l'è poeu arestad per di reson politeghe in del 1939, l'è poeu ciamad ai armi in la guerra con la Grecia, e l'è ferid. El resta in ospedal e l'è poeu sbandad, e 'l va insema ai Liad a combater contra el fassism.

Tornad el scerniss apont de fà el tassista, mester che ghe pias e che 'l va fer, tant de parlànn in la soa poesia:

	«Cognoss tucc i canton del grand Milan. Studià el percors e minga sbaglià strada. Vedè, tasè, ma minga fà el ruffian. E tirà là...de viv a la giornada.»

El fondarà pussee inanz, con di collega veteran de guerra, la Sociazzion di Tassista ex combatent. El se met poeu in sodalizzi cont el Vittorio Pinotti, cont el che 'l scriv un bell poo de canzon e de oeuvere de teater.

Voramai pensionad, el gh'ha de cambià cà quand che, in del 1996, el padron la vend, e quell tema chi el sarà regordad in di so poesie. El moeur poch dopo, in del 1999.

Riferiment

• Sit del Luisin Tassista