Luigi Cazzetta

Quest articol chì l'è scrivud in lombard, con la Noeuva Ortografia Lombarda

El Luigi Cazzetta (Milan, 7 de fevrer 1907 - Sardegna, 30 de luj 1992) a l'è stad un poeta italian.

Biografia

Bancher, l'ha tacad a lavorà in la Banca d'Italia in del 1921 e l'è giubilad in del 1969. L'è deventad orb cont el passà di agn e 'l passa la pupart del so temp de anzian in su 'na panchina in piazzal Gorin a pensà e scriver, in d'un parch che incoeu l'è stad dedicad a luu.

In del 1971 el toeu part a la fondazzion del "Sciroeu di poetta", l'è stad poeu nomnad president onorari de l'Academia del Dialet Milanes e responsabel de la catedra de dialet milanes a l'Università de la Terza Età.

Oeuvera

In la soa vita l'ha scrivud pussee de 800 poesie e l'è considerad in tra i poeta milanes pussee important de la soa era e, in d'una certa manera, el complement del Delio Tessa per i so poesie otimista e allegher, propi diferent de la manera de scriver cupa del Tessa.

Riferiment

• Antica Credenza di Sant'Ambrogio Archiviad chi: [1]
• Milanesiabella

Bibliografia

• Region Lombardìa - Antologia della poesia nelle lingue e nei dialetti lombardi