Marbury v. Madison
|
Quest articol chì l'è scrivud in lombard, con la Noeuva Ortografia Lombarda |
Marbury v. Madison a l'è stad un cas simbol de la Cort Suprema di Stat Unid decidud in del 1803 che l'ha stabilid el principi de la revision giudizziala in di Stat Unid, retegnud el cas el pussee important decidud de quella Cort lì. In la decision, scrivuda del giudes-capo John Marshall, la Cort l'ha anulad una lesg del Congress che la slargava la soa giurisdizzion originala in di cas compagn de quell menad inanz a la Cort, che 'l revardava la nomena de 'n giudes de pas, ma inscì la s'è dada el poder de deciarà i lesg contra de la Costituzzion.
A bon cunt, però, in di prim agn de la revision giudizziala i Cort l'hann doperada no inscì tant, tant che la segonda voeulta che hann sbatud sgiò una lesg l'è stad in del 1857, in la decision Dred Scott v. Sandford che l'ha nulad el Compromess del Missouri e l'ha favorid la partenza de la guerra civil americana.