Lumbard ucidental Quest articol chì l'è scrivuu in lombard, grafia milanesa.

El March Aureli Car, conossuu anca con domà el nòmm de Car (Marcus Aurelius Carus in latin; Narbona, 230 - Mesopotamia, 283) a l'è staa on imperador roman, del 282 finna a la mòrt.

Ona moneda con su el Car

Abil general, menter el se trovava in Rezia l'è staa proclamaa imperador di sò soldaa (l'eva mòrt recentement l'imperador Pròbo). L'ha comandaa ona spedizion contra i Sarmata in Pannònia con success; poeu l'è andaa in Mesopotamia e l'ha casciaa i Sassanid de la region, cont el conchestà i cittaa Seleucia e Ctesifont (la capital). Se cunta che la soa mòrt, avvegnuda lì, la sia stada provocada de on fulmen, ma par anca che 'l sia staa coppaa in d'on complòtt a òpera del prefett del pretòri Arri Aper. Ghe hinn succeduu i fioeu Carin e Numerian, giamò nomenaa Ceser primma de la soa mòrt.

Vôs correlaa Modifega