Marisa Bellisario
La Marisa Bellisario (Ceva, 9 de luj del 1935 - Turin, 4 de agost del 1988 l'è stada 'na dirigenta d'azienda italiana.
Biografia
ModifegaNassuda a Ceva de pader pujes e mader ligurina l'ha studiaa elettronega a l'Università de Turin per laureàss in del 1959. In del midemm agn la va a viv a Milan, per lavorà in la division elettronega de l'Olivetti. El sò roeul l'era de programmazion de l'Elea 9003 e poeu de applicazion commerciai.
In del 1963 l'ha gestii l'entrada de l'Olivetti in la Bull e poeu la cession de l'elettronega Olivetti a la General Electric. In del 1969 la se marida cont el Lionello Cantoni, ma la fa nissun fioeu.
In del 1971 la torna in Olivetti e la devegn responsabil de la Direzion Pianificazion Operativa. In del 1978, cont el riv del Carlo de Benedetti la devegn presidenta de l'Olivetti Corporation of America, e la abbona el pessim bilanc de l'azienda in d'on quaj ann.
In del 1980 la vegn membra del Partii Socialista Italian e l'ann dopo la torna in Italia per gestì la Italtel, azienda parastatal in grama crisi che l'ha resanaa in pocch temp, cont el consens di Sindacaa.
L'è morta de cancher ai oss a Turin el 4 de agost del 1988 a 53 agn, e l'è stada seppelida a Ceva.