Mathias Rust
El Mathias Rust (Wedel, 1 de giugn 1968) l'è on aviator todesch, famos per vess atteraa in de la Piazza Rossa a Mosca, in del 1987, in piena Guera Fregia.
El Sgor
ModifegaEl Rust l'ha ficiaa on reoppan Cessna 172 in del reoport de Uetersen, arent ad Amburgh, in del di 13 de marz.
Poeu l'è rivaa in Islanda, indova l'è restaa per ona settemana, poeu l'è partii per Helsinki, l'è passaa per Bergen.
A Helsinki l'ha daa on fals pian de sgor, indova gh'eva 'me destinazion Stocólma. Inveci l'ha pontaa subit a la Russia e l'ha responduu no al controllor de sgor.
Arent a Sipoo l'è descomparii di radar e l'è rivaa in Estonia (14:29 del 26 magg), indoa i radar de l'URSS, vist che 'l respondeva no ai interrogazion IFF, gh'han daa el codes de combattiment 8255. I missil terra-aria han vardaa el reoplan del Rust, ma han ricevuu no el permess de trall giò. Anca on caccia MiG l'è staa minga autorizaa a trall giò.
L'è descomparii di radar de noeuv arent a Staraya Russa, forsi perchè l'era ateraa per cambiass i vestii.
Poeu l'è 'ndaa dent in del spazzi aerei de Pskov, indoa el radar l'era in manutenzion: donca tucc i avion gh'aveven on identificazion IFF "amis".
A Torzhok, inveci, i controllor pensaven, vista soratutt la soa altituden bassa, che l'era on elicotter da soccors per on incident che l'era suceduu el di precedent.
Ai 19:00 circa, l'era sora Mosca, e'l voreva atterà in del Cremlin, ma poeu l'ha deciduu de rivà in de la Piazza Rossa, per evità che 'l KGB el scondess tuscoss.
L'è ateraa in on pont arent a la Piazza Rossa, per poeu 'nda inanz fin a la Piazza, indoa l'è staa salutaa ben dal popol russ.
Dopo 'n ora de l'atteragg a l'è identificaa da la polizia russa, e l'è menaa via de li a prest.
El Rust a l'è condanaa a 4 agn de preson, che 'l scontarà mai, degià che l'è liberaa despoeu 432 dì de preson.
Hinn staa scasciaa via 2000 person per l'error in l'intercettazion.
El ritorn in Germania
ModifegaEl 3 de agost del 1988 a l'è multaa de 100'000 march, per la mission de soccors di autorità finlandes.
A l'è anca indagaa per tradiment e menascia a la pas, ma el finiss in nient.
In de la sò vita l'ha ricevuu di olter condann, 'me:
- 4 agn per tentaa mazzament contra ona collega (l'ha scuntaa domà 16 mes)
- 10'000 march todesch de multa, poeu sbassaa a 600, per avè sgrafignaa on majon