Matteo Messina Denaro
|
Quest articol chì l'è scrivud in lombard, con la Noeuva Ortografia Lombarda |
El Matteo Messina Denaro (Castelvetrano, 26 de avril 1962 - L'Aquila, 25 de setember 2023) a l'è stad un malavitos italian, boss de la mafia in tra i pussee ricercad in Italia del principi de la soa latitanza in del 1993 a quand che l'è stad ciapad, el 16 de sginer 2023, in d'una clinica de Palermo indova che l'era dree a curàss del cancher. L'ha scominciad a fà el criminal a desdot agn, quand che la cantanta Elena Zagorskaya l'ha fad svesinà a la familia D'Alì, e l'è deventad vun di noeuv boss quand che hann ciapad el Bernardo Provenzano in del 2006 e 'l Salvatore Lo Piccolo. L'è deventad famos in Italia quand che el 12 d'avril 2001 L'Espresso l'ha mitud in su la covertina 'me "el noeuv boss de la mafia".
| Sess o gener | mas'c  |
|---|---|
| Citadinanza | Itàlia |
| Nom in la lengua mader | Matteo Messina Denaro |
| Nòm | Matteo |
| Cognom | Messina, Denaro |
| Data de nassiment | 26 avr 1962 |
| Sit de nassiment | Castelvetrano |
| Data de mort | 25 set 2023 |
| Sit de mort | ospedale San Salvatore |
| Circostanze de la mort | cause naturai |
| Causa de mort | cancher del colon-ret |
| Pader | Francesco Messina Denaro |
| Lengov parlade o scrivude | lèngua italiana |
| Condanad per | strage |
| Ocupazzion | criminal, mafios, boss |
| Camp de lavorà | Mafia |
| Event important | arest, latitanza |
A l'è stad el protagonista de la campagna terrorista contra el Stat italian dopo che hann ciapad el Totò Riina e per la preson dura de l'articol 41 bis e l'ha fad di atentad a Milan, Roma e Fiorenza, ch'hann lassad 10 mort e 93 ferid, oltra a fà di dagn al patrimoni de l'art e l'ha ordenad anca 'n atentad al Maurizio Costanzo. L'è andad a scondés dopo de 'sti atentad, e in del 2002 a l'è condanad in contumacia a la galera a vita per i so roeul in di bombe.
Anca el so paa, el Francesco, a l'era un mafios, che l'è mort 'me latitant, e quand che l'è andad l'ha ciapad 'me figura paterna el Riina. L'è mort presoner el 25 de setember del 2023, in coma irreversibel per la soa malatia.
Bibliografia
Modifega- Salvatore Mugno [a cura di], Matteo Messina Denaro. Lettere a Svetonio. Il capo di Cosa nostra si racconta, Viterbo, Stampa Alternativa, 2008, ISBN 978-88-6222-053-8
Alter proget
Modifega
Wikiquote el gh'ha dent citazzion de o su Matteo Messina Denaro
Wikimedia Commons el gh'ha dent imagin o alter archivi su Matteo Messina Denaro
