MeLA
| MeLA | |
|---|---|
| Tipolojia | Sistema ettometrigh |
| Stats | Itàlia |
| Territore | Lombardìa |
| Vertura | 1999 |
| Linie | 1 |
| Operador | Azienda Trasporti Milanesi |
| N. stazion e fermade | 2 |
| Lungeza | 0,682 km |
| |
| istruzion | |
El MeLA (acronim de Metropolitana Lingera Automatiga) a l'è on sistema ettometrigh de Milan del tipo spostator de gent[1] che 'l fà on conligament navetta intra la stazion de la metropolitana de Cassina Goeubba de la linia M2 e l'ospedaa San Raffaee de Milan. A l'è staa inauguraa el 12 de luj 1999 e a l'è dal dì istess che 'l laora.
La tecnologia a l'è de la societaa Poma Italia[2], incoeu Agudio[3]. A l'è gestii da l'ATM[4].
Caratteristigh tecnigh
ModifegaEl MeLA a l'è faa da domà ona via esercitada a "spoeura", che 'l voeur dì che 'l gh'è on convoj di per luu che 'l va inanz e indree intra i stazion de Cassina Goeubba e 'l San Raffaee. Ògni convoj el pò vess faa-sù da vuna a trii vittura, ògniduna con:
- ona porta viaggiator automatiga e ona de servizzi;
- on citòfon d'emergenza conligaa cont la sala operativa de Cassina Goeubba;
- duu batterï per l'alimentazion di servizzi che gh'hinn de sora;
- 40 pòst di quaj 12 a hinn per setass-giò;
- duu impiant de ventorament e rescaldament indipendent.
La stazion de Cassina Goeubba la se troeuva sora la superficia e a l'è conligada, in del pian de sora, cont la stazion che gh'ha el nomm istess de la linia M2 de la metropolitana grazie a on sora-pass pedonal. Semper chì se troeuven i òrghen de trazion e l'ofizzina de manutenzion, menter al pian de sotta el se troeuva el center de contròll gestii da l'ATM. La stazion del San Raffaee a l'è, invece, sòtta-terra e chì se troeuven i òrghen per el giust mantegniment de la tension de la funn e 'l center de sora-vision automatiga per el contròll de la trazion.
L'impiant a l'è longh in total 682 meter e la velocitaa massima che a l'è permettuda a l'è de 35 km/h.
I veicol gh'hann di roeud gommaa cont assa orizzontala e verticala, respettivament pòrtant e de guida, i quaj insisten sora di piaster soeul.
Servizzi
ModifegaPer doperà el conligament chì se gh'ha de comprà on Biliett apòsta, che, incoeu, el costa € 1,30 e 'l var per domà duu cors, faa enter 24 or. Tucc i alter Biliett ATM e i abbonament riegonaj a hinn minga varid. El Biliett el se pò comprà pasmà tucc i vendiroeu autorizzaa putost che cont i machinett che a se troeuven in di duu stazion de la MeLa.
I orari de servizzi de la metropolitana automatiga chì a hinn da i ses or de la matinna a l'ona de la nocc, tucc i dì de la settimanna.
Fotografii
Modifega-
Funn de trazion ponuu sotta i guid. -
Conligament pedonal intra la stazion de la linia M2 e la MeLA. -
Intrada in de la stazion sotterania pasmà l'ospedaa San Raffaee. -
Varch d'intrada pasmà i stazion: per intraa el se gh'ha de avè el Biliett apòsta.
Nòt e alter progett
Modifega