Melania De Nichilo Rizzoli
La Melania De Nichilo Rizzoli (Roma, 31 de magg 1956) a l'è 'na politega e medegh italian, del 2018 al 2023 assessora al lavorà e a l'istruzion de Region Lombardia e, per un quaj mes del 2023, vicepresidenta de la Region.
Biografia
ModifegaLaureada a l'Università de Roma "La Sapienza" in Medesinna e Cerusia in del 1980, in del 1985 la se specializza in Medesinna Interna in del midemm Atenee. Per agn la s'è occupada de oncologia e de malattij del metabolism e l'è stada maridada con l'imprenditor Angelo Rizzoli.
In del 2008 la se candida a la Cambra di Deputaa cont el Popol de la Libertà e a l'è elegiuda, la resta in Parlament finna al 2013. In del 2018 la se candida an'mò e la perd, ma l'è nomenada del neopresident Attilio Fontana in la gionta regional de la Lombardia 'me assessora al lavorà e a l'istruzion.
Del 10 de sginee del 2023 a l'è vicepresidenta de la Region, vist che el Fabrizio Sala el molla per andà a Roma. Del 1 de marz 2023 a l'è pu assessora.