Quella vus chi la gh'ha minga di funt u hin trop poch. Per piesé, giunta di funt a la vus. Insì de vegh un'idea de tücc i olter vus senza font, vardii chì.
El Michael Schumacher (Hürth, el 3 de genar del 1969), l'è un pilota de Formula 1 tudesch, che però l'ha gemò desmetüü de corr. A l'è staa vün di piloti pussee fort de tütt i temp, perché l'ha vengiüü sett Campiunaa del Mund, dü cun la Benetton (1994, 1995) e cinch de fila cun la Ferrari (2000, 2001, 2002, 2003, 2004).
El Schumacher l'ha cuminciaa a corr cun la Jordan nel 1991, quand che 'l gh'era 22 agn. El cumincia sübit ben nel Gran Premi del Belgio, quand che 'l fà setim ne la qualifica. El Flavio Briatore el le ved sübit e ghe fa in quatr e quatr'ott un cuntratt cun la Benetton, in due 'l resta fin al 1995 e in due 'l vinc dü titui mundiai nel 1994 e nel 1995. Nel 1996 el decid de nà a la Ferrari, che in di agn Nuanta l'era dree a fà propi fadiga e l'aveva gnamò vengiüü un Campiunaa, gnà di Piloti gnà di Scüderei. Cun la Ferrari el Schumacher el ghe ries minga a vinc i prem agn, ma pö, dal 1999 al 2004, el vinc 6 Campiunaa di Scüderei e 5 Campiunaa di Piloti. Nel 2006 el se ritira, dopu che l'aveva perduu ul Campiunaa nel Gran Premi del Giapun perché el s'era rott ul mutur. Nel 2010 però el decid de turnà a corr cun la Mercedes, però la machina l'è minga tant fort e lü el va dumà una volta in söl podi, nel Gran Premi d'Europa del 2012.
.jpg)
Germania
Wikiquote el gh'ha dent citazzion de o su Michael Schumacher
Wikimedia Commons el gh'ha dent imagin o alter archivi su Michael Schumacher
