Milanesin
|
Quest articol chì l'è scrivud in lombard, con la Noeuva Ortografia Lombarda |
I milanesin a inn di biscot spantegad soratut in Svizzera e anca in Austria, Liechtenstein e in del Sud de la Germania, fad con farina, zucher e buter e, a segonda de la riceta local, scorza de limon o marmellada.
| Milanesin (Mailänderli/Milanais) | |
|---|---|
 | |
| Origen | |
| Alter nòmm | biscot milanes |
| Pòst d'origen |  Svizzera |
| Dettaj | |
| Categoria | dolz |
| Ingredient principaj | farina, zucher e buter |
In Isvizzera a inn propi tipegh del period de Denedal.
El nom se pensa che 'l deriva de 'n biscot compagn de quell lì che l'éra spantegad a Milan in tra el 1400 e 'l 1600, che incoeu el gh'è pu, e l'è manzonad per la prima voeulta in d'un ricetari del 1780.
Riceta Modifega
Ingredient Modifega
- 250 g de farina
- 125 g de buter
- 125 g de zucher
- 1 oeuv intregh
- 1 bianch de l'oeuv
- 1 scorza de limon
- 1 zich de sal
Preparazzion Modifega
- Se messeden, a temperadura ambient, buter, zucher, sal e scorza de limon
- Rivà a 'n impast bon e sgiontà l'oeuv e 'l bianch
- Sbater ben e infin sgiontà la farina a man fina a rivà a 'n bon impast
- Fà una balla e metéla a possà in del frigor per almen do ore
- Sbassà cont el matarell l'impast fina che l'è de circa 1 centimeter
- Tajà i biscot e metij in de 'na teja, poeu passàgh sora del ross de l'oeuv messedad al zucher
- Coeus in del forn a 150-180 grad per 12-15 menut