Ministeri per el Promoeuver de la Vertù e 'l Prevegnì del Vizzi (Afghanistan)
|
Quest articol chì l'è scrivud in lombard, con la Noeuva Ortografia Lombarda |
El Ministeri per el Promoeuver de la Vertù e 'l Prevegnì del Vizzi (Pashto: د فضیلت تبلیغاتو او د معاونیت مخنیوي وزارت; Persian: وزارت دعوت و ارشاد امر بالمعروف و نهی المنک) a l'è un ministeri de l'Afghanistan che 'l se ocupa de fà respetà e de implementà la lesg islamega in l'Emirad. Fad su in principi in del 1992 al temp del governo del Burhanuddin Rabbani, i Taleban l'hann confermad quand che hann ciapad el Paes in del 1996.
Scassad con l'invasion americana, in del 2003 la Cort Suprema la ordena de fàll su ancamò, 'me ministeri de l'hajj e i Afar Religios. L'Hamid Karzai l'haveva insubid de fà un departiment dedicad al promoeuver la vertù e prevegnì el vizzi sota quell minister chi in del 2006, ma a l'è fad no per reson politeghe e pression di grup per i dirit uman.
Cont el borlà de Kabul in del 2021 i Taleban el fann su ancamò, in di ofizzi del Ministeri di Afar Feminin. El minister ad interim l'è el Sheikh Mohammad Khalid.