Molta
La molta l'è on conglomeraa che l'è faa su de ona messedada de ligant (per esempi el ciment o la colcina), aqua, inert fin (es. la sabbia) e olter aditiv: el tutt l'è messedaa inscì che l'è bon de siguràggh la lavorabilità al messedozz quand che l'è bagnaa e resistenza mecanega quand che l'è succ, despoeu de la presa e de l'induriment.
L'è doperada in de l'edilizzia, per esempi per tegnì insemma i quadrei, per fà de la stabilidura, o per fà di sott-fond in di pavimentazzion o in di spazzacà.
El nomm
ModifegaEl termen malta el riva del grech máltha, che 'l voeur dì messedozz de pegola e de scira, parolla ligada anca a l'agettiv malthakòs (cioè "moresin, tender)[1].