Malnoè

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Malnoè, antigament Monloè (Monluè in Italian) l'è on quarter de Milan, in del Municipi 4.

L'è on borghett che 'l se troeuva foeura de Milan, a est del centro e a ovest del Lamber, oltra i Trii Pont e in direzion de l'areoport de Linaa.

El sò nomm el vegn foeura del latin Mons luparius ("mont di loff"), del qual el deriva anca el nomm italian e quell antigh de Monloè (cioè "Mont Lovee"). Del XII al XVI secol gh'è staa on monastee di Umiliaa, poeu l'è vegnuu ona cassina.

Prima de vegnì on quarter milanes, l'eva part di Corp Sant. L'è nananmò staa toccaa del boom edilizzi di Ann '60, e 'l gh'ha 'nmò la soa forma de borgh de campagna.

Al dì d'incoeu ghe viv pocch personn: l'è staa concess per ona motta de ann, fina al 2009, a vari sociazion (per esempi l'ARCI) per organizzà fest e concert, soratutt d'estaa.

Malnoè 'l gh'ha intorna on parch che 'l se ciama compagn de lù e ona badia dedicada a San Lorenz, fondada in del 1267.