Motociclo
|
Quest articol chì l'è scrivud in lombard, con la Noeuva Ortografia Lombarda |
Un motociclo a l'è un motoveicol che 'l gh'ha do roeude in linia e, al massim, una carrozzeta de lat e che l'è no considerad, per via de la soa potenza o di carateristeghe, un ciclomotor. In d'una quaj giurisdizzion i ciclomotor inn considerad di motocicli, menter in alter anca di mez a trè o quater roeude poden vesser equiparad legalment a lor.
In bas a la Convenzion de Viena in su la circolazzion stradala, i motocicli poden vesser guidad con la patenta de categoria A, con la sota-categoria A1 limitada ai motocicli con cilindrada de 125 cm2 e potenza de men de 11 kW, e i Stat che l'hann firmada gh'hann el dirit de fà su di sota-categorie de quella patenta chi, per esempi in l'Union Europea gh'è la A2, che la limita la potenza a 35 kW e 'l raport pes/potenza a 0,2 kW/kg.