Movimento di Comunità

Quest articol chì l'è scrivuu in lombard, grafia milanesa.

El Movimento di Comunità, in lombard Moviment de Comunità l'era on partii politegh italian, fondaa dal Adriano Olivetti del 1946

On palazz cont el simbol del "Movimento di Comunità"

L'idea de comunità

L'idea de Comunità l'è minga istess di quela del comunism.

L'Olivetti el diseva che la cumunità l'è "el diaframa uman in tra l'omm e 'l Stat"
La sò idea di comunità l'era de on territòri minga tròpp grand, ma minga tròpp picinìn, indoa i abitant pòden avegh di rapport e parlà. L'Olivetti l'era minga a favor de "burocratizà" i rapport uman, per lu l'era el principi de on regim totalitari.

La democrazia integrada

L'idea di democrazia del moviment l'era quela integrada, che la volea dagh al popol la conoscenza di rappresentant. Per lor el gh'era bisugn de mett denter i rapresentant in de la società e de avegh ona nazion federalizada.
Disea el Olivetti:

I Elett de ona Comunità pudarian minga conòss de persona i centmila cumpunent dela Comunità stessa. Viceversa i component conosen ben la vita privada di elett, el lor caratter e i lor competenz

(IT) - Gli eletti di una Comunità non potranno certo conoscere personalmente i centomila componenti della comunità stessa. Viceversa costoro conoscono assai bene le vicende private di quelli, i tratti del loro carattere, la loro competenza generale o specifica

Per el Olivetti on govern divers da quel cumunitarista federal l'è minga tropp democradegh e l'era ona limitazziun ai libertà di cittadin.

Pulitica

El Moviment scumincia in del Canaves, indoe l'è fort anca grazie a la presenza del Olivetti.

Pulitica locala

Ai elezzion locaj di anni 1952-1953, el Moviment ciapa cinc cumun, ma in di ann sucessiv aumenten fin a quarentadu, cont ona presenza in alter vintòtt.

Parlament

In di elezzion del ann 1953, el se candida in d'un quaj segg del Piemont, ma el vinc minga.

Inveci, in di elezzion del ann 1958 el vinc on segg, ciapaa dal Adriano Olivetti. El Olivetti despoeu quai temp el gh'hà de dimetèss, e el òo segg vien assegnaa al Franco Ferrarotti. Tri mes dòp, el Olivetti moeur.

Fin di attività pulitegh

In del ann 1961 el moviment lassa la politica, continuand i alter attività.

I sò aderent van principalment in di partit socialisti e in del Partito repubblicano.

Sostenidùr impurtanti

• Giorgio Soavi
• Cesare Musatti
• Ludovico Quaroni
• Franco Fortini