Ninguarda
Ninguarda o anca Linguarda (Niguarda) l'è on quarter de Milan.
La se troeuva in del nord de la città, in del Municipi 9. L'è visina al fiumm Seves. La confina a nord con Bress, a nord-est con la Bicocca, a sud-est con Prescentenee, a nord-ovest con Bruzzan, a est cont Affer.
L'è stada on comun indipendent per on bell poo de temp, e al temp di piev la partegniva a la Piev de Bruzzan. L'è stada giontada a Milan domà in del 1923.
A Ninguarda a troeuvom on bell poo de vill de scior milanes (per esempi la Villa Clerici, del Settcent, indova che gh'è anca la Galleria d'Art Sacra di Contemporani), la gesa de San Martin (scominciada in del XII secol) e vun di ospedai pussee grand de Milan.
In del 2015 l'è staa faa su anca un lagh artificial, ciamaa Lagh de Ninguarda, a nord del quarter al confin con Bress.