Oeus (Oeus Velaa)

Quest articol chì l'è scrivuu in lombard, grafia milanesa.

Oeus o Voeus (Usmate in Italian) a l'è voeuna di dò part del comun de Oeus Velaa, in de la Provincia de Monscia e Brianza.
A l'è staa on comun indipendent fina al 1869, e al temp di piev el faseva part de la Piev de Vimercaa. L'era al confin cont el Mont de Brianza, la part settentrional de la Brianza e del Contad de la Martesana.
Fin de l'antighità Oeus el gh'aveva ona gesa dedicada al vescov San Zenon, anca se l'era minga ona parròcchia. A l'è staa el San Carlo che l'ha renduda tal in del 1571, perchè prima Usmaa la faseva part de la parròcchia de Vimercaa.
Usmaa l'è staa teater de ona battalia combattuda in del febrar 1322 tra i Ghibellitt del March Viscont e i Guelf. Quei chì hinn staa i vincidor, che donca hinn entraa a Oeus, a Vimercaa e poeu hann assediaa Moscia.

La gesa de Santa Margherita a Usmaa