Omofilia
|
Quest articol chì l'è scrivud in lombard, con la Noeuva Ortografia Lombarda |
La parolla omofilia l’è stada drovada in ocasion del prim moviment omosessual 'me sinonim o indicator de omosessualità, a partì di anni '20 fina a la fin di ann '60. Con la definizzion de omofil a ghe se po’ anca riferì a on individov che l’aceta i oregiat, che 'l ghe fà de sponda ai sò richieste, che ‘l gh’ha di penser positiv in quant a l'omosessualità o anca, a la fin, l’è on sostegn de la soa acettazzion social.
A partì de la metà del secol quell de vint a l’è stad on concet ampiament drovad in sociologia e in alter mester.
Etimologia e utilizazzion in ambient ghei
ModifegaEl termin omo-filia a l’è preferid e favorid d’on quaivun perchè ‘l marca l'amor ("-phile "del grech φιλία) putost che ‘l sess. Inventad per la prima volta del medegh, poligrafo e sgiornalista pubblicista todesch el Karl-Günther Heimsoth che, in la soa tesi de dotorad datada 1924 "Hetero-und Homophilie", ‘l l’ha introdot in de l’ambient de la sessuologia. El termin l'ha ciapad pé in di ann '50 e '60 in fra i organizazzion pro-ghei e in di publicazzion a lor correlade. I grupp de ‘sti temp chì ormai a inn conossud tucc insema per havé fad part de l’inscì ciamad moviment omofil.
L'utilizazzion de la parolla "omofilia", associada al moviment omofil, ha tacad a descomparì al vegnì foeura del moviment de liberazzion ghei contemporani in tra la fin di ann '60 e i prim ann '70 del secol quell di vint, semper pussee sostuid d’ona serie noeuva de termin compagn de ghei, lesbiche, bisessuai e transgender e, a l’inviada di ann '90, de queer insema a l'acronim LGBTQ e quest, siben che on quai "grup omofil"el sia restad viva fin ai ann '80 e '90.
La Gesa d'Inghilterra l’ha drovad an’mò el termin "homophile" in certi contest almen a partì del 1991 – per esempi per indicà "l’orientament omofil" e la "relazzion omofila sessualment ativa".[1]
Squas in tute i lengue indove che i parolle "omofil" e “omosessual” a inn drovade tucce du, "omosessual" l’ha vinciud ‘me termin convenzional moderno pussee drovad. L'unica ecezzion l’è ‘l norveges, indove che l’è sucedud el contrari, e "homofilo[i]" l’è el termin moderno neuter convenzional per indicà i ghei e i lesbiche in lengua norvegesa. In lombard i termin pussee drovad pussee despess a inn, per i omen a l'è, ghei, vegnud de la lengua inglesa a travers de la lengua italiana, insema a di termin pussee popolar compagn che fenocc, oregiat, cul allegher ec. e lesbica per i done anca lù tolt de la lengua italiana.
Anca in del mond anglosasson la parolla "homophilia" l’è stada in d’una certa misura drovada in varie manere; ma prima de la fin di ann '60, de poeu di moti de Stonewall, l’è stada sostituida e semper pussee bandondada. La parolla "Homofili" a l’è stada drovada per la prima volta in Norvegia in del 1951 in d’on libret del ram norveges de la Lega pro-ghei-e-lesbiche danesa trada insema in del 1948.
De sorapù, di volte el termin l’è drovad in del parlà lisc de la comunità ghei per descriver un "eteroallead", o ben ona persona che la se reconoss 'me eterosessual ma che, amalastant quest, la se sent arenta ai persone LGBT in di so rapost sociai o l’è ligada fiss a la comunità LGBT e a la soa cultura.
In sociologia
ModifegaL'omofilia (o ben, "l'amor del compagn/del’istess") a l'è la tendenza di individov de tràss insema e de tirà in pé di ligam con alter indivodov considerad compagn in quant a di sò caratteristiche particolar de lor. La presenza de omofilia l’è stada descrivuda in d’ona vasta gamma de studi che i hann rimarcad l'omofilia in d’ona fila de circostanze, condizzion e manere e i hann stabilid on raport de somilianza[2] in quant a diverse condizzion in fra i che l'età, l'identità de sgener, la class social e 'l rango in la socetà.[3]
In di relazzion omofil i individov a condividen di caratteristiche comune (idee, valor, educazzion, ec.) che renden la comunicazzion e la relazzion de formazzion pussee fazzil. Despess l'omofilia la mena a omogamia-matrimoni in tra persone con di caratteristiche compagne.[4]
In de l’analisi de red social, el termin doperad l’è quell pussee tacad a l'original in sociologia: chichinscì "omofilia" el corrispond al fenomen provocad del somejà di individov vun con l'alter in quant a vuna o pussee carateristiche rilevante, dedent de la red social indove che a se troeuven a vesser coness vun con l’alter.[5] El Robert K. Merton e ‘l Paul Lazarsfeld a distinguen in tra ‘l "status omofilia" e ‘l "valor omofilia": el prim el descriv i individov con di similituden de rango social che, a considerà i so carateristcihe comune, i gh’hann pussee de possibilità de associàss insema; el second, inveci, el se riferiss a la tendenza a tràss insema con di alter persone che la pensen in manera compagna, in manera indipendenta di diferenze in quant al sò rango.[6]
L'opost de omofilia l’è chichinscì l'eterofilia.
Note
Modifega- ↑ Issues in Human Sexuality: A Statement by the House of Bishops of the General Synod of the Church of England, December 1991 (London: Church House Publishing, 1991). Annotated text online (arqiviad de l'url orijenal in data 30 giugno 2012)
- ↑ McPherson, M., Smith-Lovin, L., & Cook, J. M. (2001). "Birds of a Feather: Homophily in Social Networks". Annual Review of Sociology. 27:415–444.
- ↑ Aaron Retica. «Homophily», 10 dicembre 2006.
- ↑ Fiore, A. T. and Donath, J. S. (2005). "Homophily in Online Dating: When Do You Like Someone Like Yourself?". MIT Media Lab
- ↑ Lazarsfeld, P.; Merton, RK (1954). "L'amicizia come un processo sociale: un'analisi sostanziale e metodologica." Libertà e controllo nella società moderna: pp. 18-66. (Friendship as a social process: A substantive and methodological analysis, in "Freedom and Control in Modern Society"
- ↑ Lazarsfeld, P. F. and Merton, R. K. RONKEYLAF (1954). "Friendship as a Social Process: A Substantive and Methodological Analysis". In Freedom and Control in Modern Society, Morroe Berger, Theodore Abel, and Charles H. Page, eds. New York: Van Nostrand, 18–66.