Operazion Ogro
L'Operazion Ogro (Ogro operacioa in basch, Operación Ogro in spagnoeu) l'è stada l'operazion fada in del 1973 de l'ETA che l'ha menaa a la mort del gerarca franchista Luis Carrero Blanco, primm minister de la Spagna e probabil successor del Francisco Franco.
Quader storegh
ModifegaLa Spagna l'era 'na dittadura militar guidada del caudillo Francisco Franco, in del 1973 voramai ultravottantegn, che l'era capo de Stat e capo del Governo. Luis Carrero Blanco, amis de longa dada del Franco, sò fedelissim e reppresentant del franchism pussee pur l'è staa nominaa del Franco capo del governo in del giugn 1973, e donca l'era ciar che a la mort del Franco saria staa Carrero Blanco el sò successor.
L'attentaa
ModifegaEl 20 de dicember del 1973, come che 'l faseva tucc i dì, el Carrero Blanco l'era appena sortì de la Gesa e l'era dré ad andà in di offizi del governo. Pocch dopo vess salii in su la sò vettura blindada circa 100 kil de esplosiv s'cioppen sotta la strada, e manden a circa 30 meter la vettura, che la va in sul tecc de 'n palazz li arent.
L'esplosion l'ha coppaa subit l'autista e l'agent de scorta del Blanco, oltra a s'ceppà i facciaa di dò edifizzi arent e brusà trenta vettur li arent. El Blanco el moeur minga subit, ma pocch dopo, in l'ospedal 1 ottober dedicaa al Franco.
L'attentaa l'è staa reclamaa di independentista basch de l'ETA, scappaa in Franza, ch'han convocaa 'na conferenza stampa cont i giornalista menaa bendaa in d'on canton senza contrassegn, indova han dii che s'hinn vestii de murator quand che di ver murator lavoraven in su l'impiant elettregh. In la strada han mittuu 45 kg de dinamit, in d'ona macchina arenta 25 kg.
L'ideja a l'inizzi l'era domà de rapìll, ma quand che l'è vegnuu primm minister i terrorista de l'ETA han preferii copàll.
I conseguenz
ModifegaLa polizia spagnoeula l'ha accusaa Iñaki Pérez Beotegui ciamaa "L'ingles" o "Wilson", perchè giamò famos per on attacch a l'ambassada spagnoeula a Londra, e anca i José María Beñaran Ordeñana ciamaa "Argala", José Ignacio Abaitua ciamaa "Marquin", Javier María Larreategui ciamaa "Atxulo", José Antonio Urruticoechea ciamaa "Josu Ternera" e Juan Bautista Eizaguirre ciamaa "Zigor".
Scappaa in Franza, hinn staa amnistaa in del 1978 dal Parlament spagnoeu. Argala l'è staa coppaa in quell ann de 'n operazion dinamitarda de estrema destra.