Oremus et pro perfidis Judaeis
|
Quest articol chì l'è scrivud in lombard, con la Noeuva Ortografia Lombarda |
Oremus et pro perfidis Judaeis a l'è 'na locuzzion latina che la gh'era in di orazzion del Venerdì sant de la Gesa Catolega del secol quell de cinch a quell de vint, con la che i cristian oraven per la conversion di sgiudee. In origin se pensa che la voleva dì "orom anca per i giudee che ghe creden no", ma cont el temp el signifegad l'è deventad pussee gram, o ben "orom anca per i perfid giudee", e donca l'è vegnud foeura un moviment interno a la Gesa per mudà 'sta orazzion, che l'è tolta via del papa Giovann XXIII in del 1959, e la deventa domà 'n orazzion per i giudee, senza nissun agetiv, e in del 1970 a l'è mudada ancamò, cont el recognosser de l'elezzion divina del popol de Israell, un test che però l'è piasud no inscì tant ai giudee, vist l'è assee esplicit in la speranza che recognossen el Crist 'me Messia.
Per un quajvun el gh'ha havud origin 'me risposta benevola a la Birkat Ha Minim, 'n orazzion ebraica che in la version originaria a l'era assee cativa con quei che ghe andaven dree al Gesù, e a l'antivangel Toledot Yeshu.