Ospedaa Maggior de Cremona
L'Ospedaa Maggior de Cremona a l'è 'n ospedaa de Cremona, center principal de l'ASST cremonesa.
Storia
ModifegaOn primm ospedaa l'è staa faa a Cremona in del 1451 de la fusion di ent locai de carità e l'era ciamaa Ospedaa Maggior de Santa Maria de la Pietà, con l'interess del Duca de Milan, che l'eva vist el success de l'Ospedaa Maggior de Milan.
In del 1777 la veggia gesa de San Franzesch a l'è taccada a l'Ospedaa grazia a 'n decrett de l'Imperatriz Maria Teresa d'Austria che 'l taccava tucc i monestee ai ent de carità.
Cont el governa napoleonich el perd la soa autonomia in del 1807, che l'è recuverada in del 1821, cont di ministrador che dipendeven di congregazion provinciai del Regn Lombard-Veneto. In del 1862 el noeuv governo italian el mett denter a 'na congregazion de carità e in del 1880 al Consili di Istitut Ospedaler, che ja ciappa dent definitivament in del 1935.
L'Ospedaa Maggior del dì d'incoeu l'è staa inauguraa in del 1970 con la prima preja posada el 11 de april 1965 innanz al minister de la Salud Luigi Mariotti.