Ospedal de Asola
|
Quest articol chì l'è scrivud in lombard, con la Noeuva Ortografia Lombarda |
L'Ospedal de Asola a l'è un ospedal sit a Asola, in la provincia de Mantoa, che 'l depend ministrativament de l'Ospedal Carlo Poma de Mantoa.
Storia Modifega
Un ospedal in la cità gh'era sgiamò del XII secol, ciamad Ospizio degli Zenodici, e che l'era gestid de vari orden religios, che 'l passa i vari Signor de la Cità: di Vescont ai Gonzaga, e 'l se sgionta poeu a di alter oeuvere pie. In del 1862 l'è sgiontad a la Congregazzion de carità 'me ospedal civil e in del 1883 l'è restruturad e sota el fascismo l'è slargad, con pussee repart che inn vert e, infin, l'è deciarad ospedal autonom e ghe meten dent a lavorà i civil inveci di moneghe.
In del 1960 a l'è crompada la prima autoletiga al servizzi del nosocomi, una Fiat 1100 T. In del 1975, cont i lavorà per fà su el Servizzi Sanitari Nazzional, la Region Lombardia la met su 'n circondari con sed a Castion, che 'l gh'ha dent quell ospedal chi. In del 1980 la derva la noeuva strutura, scominciada in del 1970. Del 1998, in ocasion de la reforma Formigon de la sanità lombarda, el passa sota a l'ospedal citadin de Mantoa.
Organizazzion Modifega
Incoeu l'ospedal de Asola a l'è considerad un presidi ospedaler part de l'ASST de Mantoa e 'l gh'ha un basin de circa 50'000 persone, in tra i province de Mantoa, Bressa e Cremona, anca grazzia a un pront socors e a un center per fà la dialisi.
El gh'ha dent 'sti unità operative:
- Ambulatori
- Anestesia e reanimazzion
- Center dialisi a assistenza limitada (C.A.L.)
- Cerusia general
- Farmacia
- Medesina de laboratori
- Medesina fisega e riabilitazzion
- Medesina general
- Oculistega
- Ortopedia e traumatologia
- Ostetricia-ginecologia
- Pediatria
- Pront socors
- Radiologia
Bibliografia Modifega
- Giuliana Algeri e Daniela Ferrari (a cura di), Quadri, libri e carte dell'ospedale di Mantova. Sei secoli di arte e storia, Mantova, Tre Lune, 2003, ISBN 978-88-87355-581.
- Armando Bertuzzi, Asola. Storia e origini dell'ospedale e le sue vicende politico-amministrative. Una pagina di storia contemporanea asolana, Asola, Associazione culturale asolana Bei tempi, 1999, SBN IT\ICCU\LO1\1230394.
- Azienda Ospedaliera di Mantova - Il Piano Strategico dell'Azienda Ospedaliera Carlo Poma : 1999-2001, 1999