Ospedal Militar de Bagg

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

L'Ospedal Militar de Bagg (ofizzialment Center Ospedaler Militar de Milan) a l'è un ospedal gestid de l'Esercit italian con sed in del Municipi 7, in del quarter de Bagg.

Storia

La soa costruzzion l'è autorizzada in del 1926 e l'è fad su in tra el 1928 e 'l 1931, part de la piazza d'armi incentrada in su la Caserma Santa Barbara menter el vegg ospedal de Sant Ambroeus l'è cedud a l'Università Catolega del Sacher Coeur. El sistema a l'era fad 'me una citadella isolada e squasi totalment bona de gestìss indeperlee.

Inaugurada in del 1931, l'era una costruzzion in stil neorenassimental, l'era un esempi de moderna - per l'epoca - strutura sanitaria, manzonada in di test de edilizzia sanitaria 'me esempi de coreta costruzzion d'igien e ispirada a l'Hôpital Lariboisière.

Durant de la segonda guerra mondial l'è stad soldad in del center el Gianni Rodari, che poch dopo de l'assegnazzion l'ha molad e 'l s'è svesinad a la Resistenza italiana.

Con la fin del servizzi militar in Italia la soa necessità la se sbassa e l'è donca vert anca ai civil e vuna di palazzin l'è fàda 'me ambulatori civil.

Durant de l'emergenza del COVID-19 l'è stad doperad 'me center per i malad e i sgent de meter in isolament per sbassà la pression in sui ospedal civil e poeu l'è stad doperad anca 'me center per fà i tampon.

Riferiment

Bibliografia

Origine e Tipo dell'Ospedale Militare, Stefania Monzani, Politecnegh de Milan

Alter proget

Wikimedia Commons el gh'ha dent imagin o alter archivi su Ospedal Militar de Bagg